Spetsnaz është një nga njësitë e famshme të forcave speciale të Rusisë. Por Spetsnaz nuk bëjnë mbrojtje statike, vetëm sulmi. Për ta, lopata si çdo objekt tjetër i lëvizshëm është një armë vdekjeprurëse. Në stërvitje, ata mësohet se si të vrasin me të.
Ka pak kufizime në këtë trajnim. Një informacion bëri me dije se rekrutët individualë ishin mbyllur në një dhomë pa dritare me një qen të tërbuar. Ushtari është i armatosur vetëm me lopatë. Shkurt: Të vrasë ose të vritet.
Qeni i tërbuar është vetëm një nga disa teste brutale që i nënshtrohen rekrutët. Siç thotë Mark Galeotti në librin e tij të vitit 2015 për ta, ‘specialiteti’ i tyre nuk ka të bëjë shumë me kalibrin e lartë të ushtarëve individualë, si në forcat speciale perëndimore, por në rolet e veçanta që kryejnë njësitë e tyre.
Megjithëse Spetsnaz zyrtarisht filloi të ekzistojë në vitin 1950, historia e tyre mund të gjurmohet në Luftën e Dytë Botërore. Megjithatë, Spetsnaz nuk është një njësi e vetme e ushtrisë së rregullt, por pjesë e drejtorisë ushtarake të inteligjencës të GRU-së.
Në Luftën e Ftohtë, puna e Spetsnazit ishte të depërtonte dhe të sulmonte objektivat kryesorë dhe individët në Perëndim, pak përpara ose pas fillimit të luftës konvencionale. Armët taktike të NATO-s ishin prioritet.
Në luftërat në Çeçeni dhe Afganistan ato shpesh përdoreshin si këmbësorë të rregullt. Me ardhjen në pushtet të Presidentit Putin, njësitë Spetsnaz kanë rilindur.
