Në një video që ka qarkulluar së fundmi në internet duken pamjet e marra nga një dron ukrainas i cili bombardon një tank rus.
Videoja e kapur të premten në rajonin e Khersonit tregon dronin duke hedhur të paktën gjashtë bomba mbi tank, pasi u përpoq të fshihej në cep të një fushe. Zëdhënësja ushtarake Nataliya Humenyuk tha se disa nga ushtarët e Rusisë po përpiqen të negociojnë dorëzimin. Që nga fundi i gushtit, Ukraina ka kundërsulmuar në Kherson në një mision të shpallur gjerësisht për të rimarrë qytetin nga kontrolli rus.
Ushtarët e Ukrainës kaluan përdorën armatimet amerikane HIMARS për të shkatërruar urat dhe linjat hekurudhore përtej lumit Dnipro.
Kjo do të thotë se forcat ruse në bregun perëndimor nuk kanë një mënyrë të lehtë për t’u tërhequr dhe trupat në bregun lindor të pushtuar nuk kanë asnjë mënyrë të lehtë për t’i përforcuar ato.
Me forcat ruse të lidhura në jug, Ukraina ka shfrytëzuar mundësinë për të nisur një kundërsulm të dytë befasues në lindje të Kharkiv.
Operacioni ka qenë një sukses mahnitës, me ushtarët e Kievit që kapën më shumë se 1000 milje katrorë territor në vetëm disa ditë luftimesh.
Ukraina tani mendohet se është rikthyer në kontrollin e të gjithë rajonit të Kharkiv, duke përfshirë linjat hekurudhore që ushqenin furnizimet për trupat ruse në Donbas.
Kjo e vë të gjithë ofensivën lindore të Rusisë në rrezik kolapsi dhe mund të jetë një katastrofë për të gjithë planin pushtues të Putinit./m.j
