Të paktën 16 persona u vranë dhe më shumë se 40 u plagosën në Kiev dhe zonën përreth nga bombardimet ruse, ndërsa Presidenti Volodymyr Zelensky tha se dështimi i aleatëve të Ukrainës për të rimbushur rezervat e raketave të mbrojtjes ajrore po kushtonte jetë njerëzish.
Forcat Ajrore të Ukrainës thanë se Rusia qëlloi dhjetëra raketa lundrimi, si dhe raketa balistike dhe hipersonike, dhe 168 dronë, gjatë sulmit masiv të natës.
Forcat Ajrore thanë se gati 90% e dronëve dhe shumica e raketave kruz u rrëzuan. Nuk specifikuan se sa raketa balistike u lëshuan ose nëse ndonjëra u interceptua.
Katet e sipërme të një ndërtese apartamentesh nëntëkatëshe u shkatërruan në lagjen Solomiansky të Kievit, ku u regjistruan shumica e 15 vdekjeve në kryeqytet, tha kryebashkiaku Vitali Klitschko, i cili bëri thirrje që e premtja të shpallet ditë zie.
Dëme u raportuan edhe në dy zona të tjera, tha Klitschko, ku u goditën një shkollë dhe një spital për fëmijë, si dhe ambiente dhe depo jo-rezidenciale.
Ministria ruse e Mbrojtjes tha se Moska kishte sulmuar Kievin dhe zonën përreth me sulme ajrore dhe dronë, duke goditur objekte që prodhojnë komponentë për dronë, një depo ushtarake dhe një qendër furnizimi, ndër objektiva të tjera.
Ndërsa Rusia ka shtuar sulmet e saj me raketa balistike në muajt e fundit, Zelensky u ka bërë thirrje aleatëve të rimbushin rezervat e Ukrainës me raketa interceptuese Patriot – e vetmja armë në arsenalin e saj e aftë të rrëzojë një raketë balistike.
“Raketat interceptuese për sistemet Patriot nuk janë zëvendësuar ende dhe ato nevojiten çdo ditë”, tha Zelensky nëpërmjet aplikacionit Telegram. “Çdo raketë shtesë shpëton jetën e popullit tonë.”
Російські наzисти нанесли авіаудар по супермаркетах у Краматорску та Слав’янську.
Слав’янськ – 3 людини поранено, Краматорськ – 7 поранених.
Київ, Бориспіль та область
– 16 загиблих, понад 40 поранених.
Геноцид українців триває.@ZelenskyyUa що там ООН? pic.twitter.com/uv0p6QM7OO— Хунтянин пересічний (@ObolonJunta) August 20, 2026
