Policia, Prokuroria bashkë me Grupet e FNSH Fier zbuloi lëndën narkotike mes fshatrave Vezhdanisht dhe Treblovë.
Bimët u gjetën brenda 6 kasolleve, ku ishin fshehur rreth 2000 bimë narkotike në proces tharjeje si dhe rreth 5250 rrënjë bimë narkotike Cannabis Sattiva, të mbjella në lugina dhe zona të thella rreth 2 orë larg qendrave të banuara.
Policia ka bërë asgjësimin e lëndës narkotike nëpërmjet shkuljes, copëtimit dhe djegies me zjarr. Po punohet për zbulimin dhe kapjen e autorëve të tjerë të implikuar në këtë veprimtari kriminale përveç 6 të arrestuarve.
Gjithashtu, Policia ka sekuestruar 2 armë zjarri të llojit “automatik”, 1 armë zjarri e llojit “pushkë” dhe 2 krëhëra me 60 fishekë të kalibrit 7.62 mm si dhe veshje dhe sende të tjera të cilat shërbejnë si provë materiale.
Personat e arrestuar:
1- Shkëlqim Koçiaj, 24 vjeç, banues në fshatin Dushkarak, Vlorë.
2- Arjan Hasanaj, 43 vjeç, banues në Vlorë.
3- Klajdi Imeri, 21 vjeç, banuese në Vlorë.
4- Taulant Haxhiraj, 35 vjeç, banues në Vlorë.
5- Albert Aliaj, 53 vjeç, banues në fshatin Drizar, Mallakastër.
6- Xh.B., 18 vjeç, banues në Vlorë. /ma.me
