Shqipëria reagoi në ndeshjen e fundit të vitit, të paktën me rezultat. Kombëtarja mundi Uellsin me rezultatin 1 – 0 në miqësoren e luajtur mbrëmjen së martës në Elbasan. Skuadra e Ryan Giggis humbi edhe pse rrezikoi disa herë portën tonë. Christian Panucci ndryshoi thuajse gjysmën e titullarëve të sfidës me Skocinë dhe u përpoq të mendonte më shumë për mbrojtjen. Uellsi e nisi sfidën në sulm duke krijuar vazhdimisht rrezik në zonën e kuqezinjve.
Përpjekjet e lojtarëve shqiptarë nuk arritën të vendosnin në vështirësi mbrojtjen uellsiane. Në disa raste ndërhyrjet e Ismajlit apo Berishës shmangën golat. Pas pushimit Shqipëria u shfaq më e guximshme edhe pse vuante ende nga presioni i kundërshtarit. Kombëtarja arriti të festonte pas thuajse 1 ore lojë. Penalltia e fituar nga Xhaka u kthye në gol nga Balaj.
Giggs aktivizoi menjëherë Bale, por ai nuk ktheu dot situatën në favorin e Uellsit. Uzuni ishte ai që pati mundësi për të thelluar avantazhin e Shqipërisë, por rastet e krijuara nuk u konkretizuan. Një mbyllje e vitit me fitore, por që nuk justifikon dështimin në Ligën e Kombeve. Drejtuesit e Federatës Shqiptare e Futbollit tani duhet bëjnë bilancin për punën e Christian Panucci, nëse do të vazhdohet me të në kualifikueset e Euro 2020.
***
KOMENTI LIVE
Fiton Shqiperia, me rezultatin 1:0
90′ Gjyqtari akordon tre minuta shtese
84′ Bale ndal Xhakën në mënyrë të gabuar, ndëshkohet me të verdhë
68′ Eros Grezda lë fushën e lojës, aktivizohet Sabjen Lilaj
60′ Zëvendësim dhe te kuqezinjtë, Memushaj zë vendin e Lila
59′ Zëvendësim te Uellsi, Brooks i lë vendin Bale
58’ GOOOOOL Balaj shënon nga penalltia e fituar nga Xhakaj.
52′ Niset vrullshëm Shqipëria në të djathtë me Uzunin, e ndal Gunter me nje faull taktik. Gjyqtari e ndëshkon me të verdhë.
50’ Grezda kalon 2 futbollistë në mbrojtjen e Uellsit, provon të shërbejë Uzunin, por në fund pasimi mbyllet nga miqtë.
46′ Goditje këndi për uellsianët Berisha na shpëton mbi vijë fatale, pasi Roberts nuk shfrytëzon gjithë portën që kishte.
46′ Goditje këndi për uellsianët Berisha na shpëton mbi vijë fatale, pasi Roberts nuk shfrytëzon gjithë portën që kishte.
46′ Nis pjesa e dytë, me ekipet siç e mbyllën.
Mbyllet pjesa e parë. Shqipëri-Uells 0-0
46’ Top brenda zone për Vokes, godet por Berisha me këmbë pret, më pas topi dërgohet në këndore.
45′ 1 minutë shtesë.
44’ Gunter provon me të majtën nga jashtë zone, por goditja nuk ka fortësinë e duhur dhe Berisha kontrollon pa probleme.
43′ Karton i verdhë për King, për një faull pak sekonda më herët.
35’ Xhaka humb një top në mesfushë, dhe shkakton faull ndaj Bruks në mesfushë. E godet teksa është i shtrirë, dhe kapet më pas. Gjyqtari e ndëshkon me karton të verdhë.
30′ Faull në mesfushë i Lilës nga mbrapa Bruks, gjyqtari e ndëshkon me karton të verdhë.
29’ Top i gjatë nga krahu i djathtë i Hysajt, për Balajn por mbrojtja uellsiane kap me kokë, dhe topi shkon tek portieri i cili kontrollon.
27’ Dalje në sulm e Bruks, ky i fundit teksa gjendet brenda zonës sonë, harkon për në qendër, por Berisha del dhe grushton.
24’ Grezda nga e majta, harkon tokazi brenda zonës, por askush nuk gjendet për të shfrytëzuar.
23’ Krosim nga ana e Uillson, Bruks godet me kokë nga brenda zone, por për fat të mirë jashtë kuadratit të Berishës.
17’ Ismajli ndal një aksion të shpejtë të uellsianëve, topi tek Xhaka dhe ky nis Balajn, por shkodrani nuk e mban dot brenda vijave kufizuese topin.
12’ Ismajli bën një ndërhyrje vendimtare pasi Bruks mori një asistim mjaft të mirë e shkonte drejt Berishës, por mbrojtësi i Hajdukut të Splitit e çon topin në këndore.
11’ Goditje dënimi për Uellsin, provon me të majtën Uillson, por topi përplaset vetëm në rrjetën e jashtme.
8’ Goditja e parë nga këndi. Devijohet prej Bashës topi i goditur nga jashtë zone nga Bruks.
6’ Rasti i parë për uellsianët, Lorencs nis në të majtë Xhejms, ky i fundit harkon për Vokes, dhe me kokë sulmuesi gabon shënjestrën.
4’ Basha kërkon të nisë Uzunin, por është Ganter që mbyll atë top të nisur.
2’ Nisje menjëherë e Grezdës, por Lorencs mbyll duke kthyer tek portieri.
1′ Nis ndeshja në Elbasan.
a.ç
