Një kompleks ushtarak në qytetin jugor rus të Belgorodit në kufi me Ukrainën shpërtheu në flakë pasditen e të dielës.
Lajmi u konfirmua nga guvernatori i rajonit, Vyacheslav Gladkov, i cili tha se si pasojë e shpërthimit ka mbetur i plagosur një banor vendas.
Sipas tij i plagosuri kishte pësuar lëndime të lehta dhe nuk ishte në rrezik për jetën. Ai shtoi gjithashtu se shtatë ndërtesa u dëmtuan nga zjarri.
Ministria e Mbrojtjes ruse nuk ka komentuar mbi ngjarjen, shkaqet e të cilës mbeten ende të paditura.
Imazhet e publikuara në rrjetet sociale tregojnë një re tymi që ngrihet mbi të gjithë qytetin e Belgorodit.
Guvernatori i rajonit Kursk, i cili gjithashtu kufizohet me Ukrainën, tha se një urë hekurudhore e përdorur nga trenat e mallrave ishte dëmtuar. Roman Starovoit e quajti incidentin sabotim.
Zonat e tjera ruse në kufi me Ukrainën kanë raportuar gjithashtu bombardime ndërkufitare që kur Moska dërgoi mijëra trupa për të pushtuar Ukrainën.
I’ve geolocated this video of smoke rising and audible explosions in Tomarovka, Belgorod region, Russia, amidst reports of an explosion at an ammunition depot.
📍50.621512,36.240709
Details in thread 👇 pic.twitter.com/qOSTBhGIdM
— Moshe Schwartz (@YWNReporter) May 1, 2022
