Performanca e këngëtarit Shpat Kasapi në ‘Your Face Souns Familiar’ ka ngjallur debate. Më tepër se performanca e tij ajo që bëri më shumëzhurmë ishte batuta e moderatorit Arjan Çani i cili ëshët anëtari i jurisë në këtë spektakël. Çani ngriti dyshime mbi seksualitetin e këngëtarit.
Për këtë të dy kanë dhënë versionet e tyre së fundmi në ‘Thumb’ ku Ariani mohon se e ka pasur për ta lënduar kandidatin.”E bëra atë batutë me sens humori, por Shpati nuk e kapi. Në të vërtetë unë e kisha për Ricky Martin. Nuk kam gjë me Shpatin”, u shpreh Çani ndërsa Shpati thotë se në mes tyre nuk ka ndonjë konflikt përveç xhelozisë që moderatori i njohur mund ta ketë për të.
“Batutat e Çanit janë qesharake ndonjëherë sepse ai ka kohë që merret me homoseksualitetin që mendon ai se unë jam ashtu, ndërsa unë normal që s’jam se njerëzit e dinë dhe më njohin kush jam. Kjo batutë ishte pak e rëndë për mua, por kaloi”, tha Shpati. I pyetur nëse do ta godiste me grusht po të kishte mundësi ai duke qeshur tha ”me shishe”./ Gazeta Express/ ma.me
