Lideri i lëvizjes opozitare Dveri në Serbi, Boshko Obradoviç është përplasur me kryetarin e Komisionit të Çështjeve Administrative, Aleksandër Martinoviç.
Media serbe Kurir shkruan se incidenti erdhi për një poster mbi të cilin shkruhej: “Majo – ju kërkon Novi Sadi”. Pas kësaj Martinoviç i preu fjalën deputetit Obradoviç. Ky veprim i tij ka sjellë reagim të ashpër nga ana e këtij të fundit. Ai është ngritur nga vendi dhe i ka hequr mikrofonin Martinoviçit, duke e goditur edhe me mausin e kompjuterit.
Seanca vazhdoi pavarësisht nga incidenti, gjobat u vendosën dhe debati midis deputetëve të Dveri dhe SNS-së vazhduan pas seancës në sallën e kuvendit, ku për momentin u pretendua se do të ndodhte një përleshje fizike mes tyre. Në muajt e fundit, ka pasur disa incidente në Kuvendin e Serbisë./a.ç
