Një person i cili po konfiktohej me të shoqen ka drejtuar armën ndaj policisë, e cila ndërhyri për të shuar sherrin.
Mbrëmjen e së martës, pas njoftimit të marrë për një konflikt në familje në lagjen “Tre Heronjtë”, Shkodër, efektivët e policisë kanë shkuar menjëherë në adresën e dhënë.
Në momentin që punonjësit e policisë janë afruar te banesa, i zoti i shtëpisë i cili ishte duke u konfliktuar me bashkëshorten, ka marrë një armë gjahu dhe ka kanosur efektivët për të mos u afruar në banesë, pasi do qëllonte në drejtim të tyre.
Nga reagimi i shpejtë u bë neutralizimi dhe arrestimi në flagrancë i Skënder Begës, 52 vjeç, banues në lagjen “Tre Heronjtë”, Shkodër.
Në cilësinë e provës materiale grupi hetimor ka sekuestruar dy armë gjahu model “Browning” dhe 170 fishekë me kalibër 12mm, të cilat i mbante me leje.
Ndaj Begës materialet iu referuan Prokurorisë së Shkodrës për veprat penale “Kundërshtimi i punonjësit të policisë së rendit publik” dhe “Kanosja për shkak të detyrës”.
g.kosovari
