Bluzat, fundet e çorapet, sa herë duhen larë? Secili ka metodën e tij, ka nga ata që bazohen në njolla apo erën e keqe. Por gjithë ata që janë në dilemë, u vjen shkenca në ndihmë, duke shpjeguar edhe motivin.
Siç raporton BBC, shkencëtari anglez Greg Foot shpjegon se kush është shkaku që rrobat tona bëhen pis. Jemi vetë ne shkaktarët. “Qeniet njerëzore janë të neveritshme. Ne çlirojmë rreth 500 milionë qeliza të vdekura në ditë, të cilat përfundojnë pikërisht në veshjet tona, duke shkaktuar papastërit”, thotë Foot, shkruan noa.al. Sipas tij për larjen e veshjeve nuk duhet të bazohemi vetëm tek era e keqe ose njollat dhe më poshtë jep këshillat konkrete:
-Çorapet, mbathjet, kanotieret ose bluzat e brendshme duhen larë çdo ditë. -Peshqirët duhen larë çdo tre ditë.
-Pizhamat një herë në jave.
-Rrobat e bardha çdo herë pasi i keni veshur.
-Xhinset, mund të rezistojnë deri në gjashtë muaj./a.k
