Është vetëm 20 vjeçe, është nënë e një fëmije 1 vjeç dhe ish-grua e një burri që ka ushtruar dhunë ndaj saj.
Për shkak të ndjeshmërisë së situatës në të cilën gjendet kjo grua e re, Radio Evropa e Lirë nuk do ta publikojë identitetin e saj dhe as lokacionin ku është zhvilluar biseda me të.
Ajo sot jeton në njërën nga dhjetë shtëpitë e sigurta në Kosovë, të cilat kryesisht strehojnë viktima të dhunës në familje.
Ky fenomen ka nxitur së fundmi edhe protesta të organizuara nga shoqëria civile në Kosovë. Rasti i fundit një dhune të këtillë është shënuar në muajin gusht në një fshat të Gjakovës, ku një burrë vrau gruan e tij 40-vjeçe dhe vajzën e tij 9-vjeçare.
