Kryeministri Edi Rama inspektoi sot punimet në Vaqarr të Tiranës për lagjen e re që po ndërtohet.
“Aty ku një tjetër lagje e re, ndërtuar nga e para për familjet e prekura nga tërmeti, me objekte arsimore, qendër komunitare dhe hapësira të dedikuara për aktivitete sociale dhe rekreative, po merr formën e vet të bukur“, shkruan Rama në postimin e tij në rrjetet sociale.
Rama shoqërohej dhe nga kryebashkiaku i Tiranës, Erion Veliaj i cili tha se për pak kohë do të nisë dhe ndërtimi i shkollës së re për zonën.
“20 shtëpi që kanë përfunduar, është prishur e Pallati i Kulturës që do bëhet qendër komunitare, Bashkia do hedhë asfaltin e fundit, kur të përfundojë viti arsimor, zbrazet shkolla që të nisë e reja e nxënësit e Pezës të shkojnë te shkolla e re në Pezë“, tha Veliaj.
“Në dy javët e ardhshme pritet inagurimi”- tha Arbër Hajdari i Fundjavë Ndryshe.
“Mos e bë pa u sistemuar komplet, me gjithcka, me barin, se nuk bëhet më o nuk u bë”, iu përgjigj Rama, i cili vuri në dukje dhe disa detaje që kishin nevojë për t’u sistemuar gjatë punimeve, “që të bëhet tamam si lagje rezidenciale”, siç u shpreh kreu i qeverisë.
g.kosovari
