Që shqiptarët nuk janë si serbët dhe nuk e duan dhunën kjo duhet të tregohet sot më shumë se kurrrë. Në fakt guri i hedhur dje ndaj autobusit të kombëtares serbe, ishte veprim i një 14-vjeçari i cili nuk është pritur aspak mirë nga vetë shqiptarët.
Turma e tifozëve shqiptarë që ishin në rrugë gjatë mbërritjes së autobusit, kanë mbetur të shtangur nga goditja me gurë. Disa gra të mbledhura aty dëgjohet të thonë të habitura: “Ua, i ranë!” në mënyrë të përsëritur.
As në këtë video nuk dallohet nga ka ardhur sendi që ka goditur autobusin, ndërkohë që në video shihen edhe policë që përpiqen të ruajnë qetësinë.
