Kryeministri Edi Rama ka postuar në rrjetin social “Facebook” një video që tregon një përmbledhje disa minutëshe mbi punën, projektet dhe arritjet më të rëndësishme të stafit mjekësor të QSUT gjatë vitit 2015.
Kreu i qeverisë ka shkruar se, rilindja e QSUT është një ndër ndërmarrjet më të vështira të këtij mandati qeverisës, por në vetëm dy vjet është bërë më shumë se në njëzet e dy vjet të marra së bashku.
“S’ka dyshim se rilindja e QSUT është një ndër ndërmarrjet më të vështira të këtij mandati qeverisës dhe ka ende shumë punë për t’ia dalë. Por s’ka asnjë dyshim po ashtu se në vetëm dy vjet është bërë më shumë se në njëzet e dy vjet të marra së bashku, në rrugën e ndërtimit të një shërbimi dinjitoz shëndetësor, edhe pse ka plot probleme për të zgjidhur ende”, shkruan kryeministri Rama në “Facebook”
