Kryeministri Edi Rama ka ndarë me ndjekësit e tij në rrjetet sociale momente nga një takim i ngrohtë dhe i papritur me bashkëkombësit tanë gjatë një vizite pune në Greqi.
Në pamjet e publikuara nga vetë kreu i qeverisë, shihet një atmosferë entuziaste ku dhjetëra qytetarë shqiptarë, mes tyre vajza dhe djem të rinj, i janë afruar për ta përshëndetur. Qytetarët kanë shfrytëzuar këtë takim të rastësishëm për të biseduar shkurtimisht dhe për të realizuar fotografi me kryeministrin.
Për të përshkruar këtë pritje të ngrohtë në rrugët e shtetit fqinj, Rama ka zgjedhur një diçiturë të shkurtër krahas videos:
“Rrethim i befasishëm shqiptarësh në Greqi.”
Vizita e kryeministrit në Greqi zhvillohet në kuadër të një agjende pune, ndërsa pamjet dëshmojnë edhe një herë lidhjen dhe interesin e komunitetit shqiptar atje ndaj zhvillimeve dhe figurave politike të vendit të tyre.
