Kryeministri Edi Rama ndau sot në rrjetet sociale pamje nga festimet për festat e fundvitit në shkollat e Tiranës.
“Festa të gëzuara nga nxënësit e shkollave të Tiranës”, shkroi kryeministri Rama në postim.
Nxënësit festuan me këngë dhe kërcime festën e Krishtlindjeve dhe Vitin e Ri. Ata gjithashtu zbukuruan pemët festive me drita shumëngjyrëshe.
Dhjetori është muaji i festave dhe të gjitha qytetet janë përfshirë nga atmosfera e gëzueshme e këtyre ditëve.
Dritat shumëngjyrëshe kanë sjellë një atmosferë festive kudo në Shqipëri.
Përveç pemës së madhe të vendosur në qendër të çdo qyteti, vezullimi i dritave shumëngjyrëshe dhe zbukurimet e ndryshme kanë krijuar tashmë atmosferën festive kudo në vendin tonë.
/a.r
