Në përfundim të vizitës së tij në Mynih të Gjermanisë, kryeministri Rama ka reaguar pas sinjalit pozitiv që dha presidenti francez Macron, për hapjen e negociatave në mars.
Rama tha për RTSH se marrja e një ‘Ok’ nga Franca ishte pozitive, por bëri thirrje që askush të mos krijojë iluzione të skajshme, pasi ky proces nuk është në dorë të Shqipërisë.
Kreu i qeverisë tha se qeveria do të vijojë të bëjë punë e saj me reformat në të njëjtën mënyrë si kur Shqipëria të kishte marrë një ‘PO’ që në tetorin e kaluar.
“Me sa munda të lexoj ishte një sinjal pozitiv, megjithatë dëshiroj të gjithëve t’ju them se nuk kemi pse ushqejmë veten me iluzione e dëshira të skajshme, pasi kjo gjë nuk varet nga ne. Megjithatë duhet të vazhdojmë të bëjmë punën me durim, ashtu siç do të dëshironin nëse do të na ishin hapur negociatat’, tha Rama.
g.kosovari
