Vijon edhe sot, 6 janar, radhë e gjatë në Kakavijë. Emigrantët që duan të kthehen në Greqi janë hasur me radhë të gjata. Ata treguan se kanë pritur mbi një orë.
“Ça do bëjmë, është aq e vështirë. Më duket do na ziejnë se kemi mish të fortë. Nga ajo, na mbajnë për të zierë këtu. Do shohim sa do na mbajnë akoma”, tha një prej tyre.
“Kjo punë është vit për vit. Problemi është që kemi 1 orë që presim. Ne shqiptarët jemi mësua me radhë të gjatë. I urojmë të gjithëve një vit të mbarë”, tha një qytetar tjetër.
Kujtojmë se përgjatë periudhës së festave, nga pika kufitare e Kakavijës, kanë hyrë në vendin tonë rreth 150 mijë shtetas.
Gjatë kësaj periudhe është shënuar një rritje e qarkullimit ndërkufitar me rreth 10.5% krahasuar me vitin e kaluar, jo vetëm nga shtetasit shqiptarë, por edhe nga vizitorët e huaj.
