Një skandal bullgar e ka dekurajuar edhe njëherë futbollin ndërkombëtar. Rast i ri i racizmit, këtë herë gjatë një ndeshjeje kualifikuese për Kampionatin Europian të vitit të ardhshëm, ka goditur përsëri Anglinë. Kjo e fundit e provoi në kurriz këtë lloj sulmi në Podgoricë të Malit të Zi, po në këtë fushatë eliminatoresh, por makthi iu rikthye në Sofje, përballë koreve dhe gjesteve të tifozëve të Bullgarisë. Sjellja e tifozëve vendas në “Vasilevski Stadium” është dënuar qartë nga legjenda e futbollit të këtij vendi, Hristo Stoichkov.
Fituesi i “Topit të Artë” në vitin 1994 nuk i justifikoi tifozët e tij, por kërkoi sanksione të ashpra ndaj tyre, pas asaj që ndodhi. Një turp i madh ky, sipas Stoichkov, që shpërtheu në lot, pasi komentoi episodin: “Kjo situatë më shkakton lot dhe trishtim. Zgjidhja? Braktisni fushën, ose më shumë, dërgojini larg stadiumeve këto tifozë për pesë vite, pa mundur të marrin pjesë në gara ndërkombëtare dhe për klubet. Njerëzit në Bullgari nuk e meritojnë të vuajnë në këtë mënyrë për shkak të atyre”.
Stoichkov u shfaq shumë i mërzitur, duke parë dhe marrë parasysh akuzat kundër Bullgarisë. Pasi ekspozoi mendimet e tij mbi situatën, ai u ndal, duke shikuar në dyshemenë e studios televizive, me zërin që i dridhej dhe, në fakt, shpërtheu në lot. Një situatë që e vuajtën lojtarët e Anglisë, por homologët e tyre bullgarë, tifozët civilë të këtij vendi, e dënuan menjëherë sjelljen e atyre bashkatdhetarëve të tyre.
g.kosovari
