Kryeministri Rama ka ndarë me ndjekësit në rrjetet sociale, disa nga vlerësimet që ka marrë nga përfaqësuesit e vendeve kryesore të botës gjatë takimit në Këshillit e Sigurimit të OKB-së.
Zgjidhja e konflikteve në zonat e nxehta nga Ukraina te Gjerogjia, si dhe lufta ndaj ekstremizimit të dhunshëm, janë prioritete të punës së edi Ramës gjatë kryesimit të OSBE-së.
SHBA: Kryeministër, ne e vlerësojmë angazhimin e OSBE për të luftuar këto sulme mbi liritë dhe sfidat e bashkëlidhura gjatë presidencës suaj.
Anglia: Vizita juaj e fundit në Ukrainë ishte shumë e mirëpritur dhe ju patët mundësinë të shihni me sytë tuaj realitetin e njerëzve që banojnë pranë vijës së kontaktit. Kryeministër, përshëndetim caktimin si prioritet nga ana juaj si Kryesi të zgjidhjes së konfliktit, përfshirë punën e misionit special të monitorimit dhe të Grupit Tripalësh të Kontaktit, si dhe zgjidhjen e konflikteve të tjera në OSBE. Ju jemi mirënjohës për vendosmërinë tuaj për të luftuar krimin e organizuar dhe për të theksuar rëndësinë e marrjes së veprimit në zbatim të standardeve ndërkombëtare të të drejtave të njeriut.
Gjermania: Do theksoja rolin e grave, nga njëra anë në pjesëmarrjen në qeveri, në bisedimet për paqen, nga ana tjetër mbrojtjen e grave në veçanti mbrojtjen nga dhuna seksuale. Pra keni mbështetjen dhe vlerësimin tonë për përpjekjet tuaja.
Franca: Shqipëria ka mbështetjen e plotë të Francës për zbatimin e programit ambicioz të punës që ka prezantuar si Kryesi e OSBE-së. /e.s/
