Shpëtim Idrizi nuk pati shpëtim as nga historia që krijoi me rinumërimin e votave. Ai, mbeti sërisht jashtë Kuvendit, pasi rinumërimi i 64 kutive nga KQZ i dha vetëm 5 vota më shumë, por jo mjaftueshëm (38) për të marrë mandatin e deputetit.
E përpos kësaj, ajo që bie në sy ishte mënyra se si PDIU kishte menduar të merrte mandatinnë Tiranë. Ajo ishte, vjedhja e votave nga partitë e tjera.
Lexo.al ka siguruar një video nga rinumërimi i kutive në KQZ, ku nga zarfi i PDIU-së ku kjo parti thotë se ka 12 vota të sajat, siç shihet, del që janë 5 vota të LIBRA, 3 të FRD dhe vetëm 4 të PDIU. Bëhet fjalë siç edhe shihet në video, për QV numër 2194, Tiranë.
PDIU ka vetëm 4 vota, mirëpo në procesverbal i janë shënuar 12 vota (shih videon). E thënë ndryshe, 8 votat e tjera PDIU ja kishte vjedhur FRD-së dhe LIBBRA-s.
Megjithatë, taktika e PDIU për të marrë votat që nuk ishin të sajat e për t’i futur në zarfin e saj nuk e shpëtuan Shpëtimin, i cili do duhet ta shohë këtë 4 vjeçar Kuvendin nga televizori.
Nga ana tjetër, PS doli me rezultat të njëjtë me atë të 25 qershorit. /b.d
