Video shokuese janë publikuar së fundmi nga Daily Mail, ku shfaqet një arab saudit duke filmuar veten duke qëlluar me armë me një foshnjë në dorë.
Videoja tronditëse është filmuar në Riad, ku personi arrestohet më pas nga policia dhe është identifikuar si vëllai i fëmijës.
Burri tjetër i thotë që ta bëjë fëmijën të nuhasë pluhurin e armës dhe ai vendos pistoletën brenda gojës së foshnjës.
Më pas 20- vjeçari është arrestuar, arma e përdorur është sekuestruar dhe ndaj tij janë marrë procedura ligjore.
Videoja ka qarkulluar në mediat sociale dhe Ministria e Punëve e Arabisë Saudite u bëri thirrje të gjithë qytetarëve që kanë vënë re shkelje, të kontaktojnë me “Qendrën për Raportimin e Dhunës në Familje”. /l.m
