Këto janë pamjet që tregojnë situatën se çfarë ndodhi në burgun e Shën Kollit në Lezhë, ku një qeli u përfshi nga flakët e zjarrit.
Policia nuk ka përcaktuar ende zyrtarisht shkakun e rënies së zjarrit, ndërsa flitet për një të vdekur dhe dy të lënduar jashtë rrezikut për jetën.
Të gjithë të burgosurit e tjerë u nxorrën në oborr gjatë kohës që zjarrfikësit po punonin për shuarjen e flakëve. Forca të shumta policie dhe përforcime nga Tirana rrethuan perimetrin jashtë burgut duke rritur sigurinë për të parandaluar ndonjë arratisje të mundshme të të burgosurve.
