Janë publikuar pamjet e operacionit të SPAK në bashkëpunim me autoritetet italiane ku është goditur një grup kriminal që dyshohet se ka kryer mashtrim ndaj sistemit kombëtar shëndetësor italian, korrupsionit dhe trafikut të barnave me përmbajtje narkotike.
Nga hetimet e SPAK janë të përfshirë edhe zyrtare shqiptar, vajza të showbizz për shërbime seksuale ne Itali.
Mesohet se disa zyrtarë të drejtësisë po verifikohen, si edhe biznesmenë që kanë biznese në Itali e Shqipëri.
Këta persona për përfshirë, nuk janë ndër 82 personat për të cilët tashmë ka një masë hetimi, ose kontrolli banese.
SPAK ka kryer kontrolle në shtëpinë dhe zyrën e mjekut Edvin Prifti, i arrestuar më parë për korrupsion. Burime për Report Tv bëjnë me dije se kontrolli u bë pasi Prifti dyshohet si pikë kontakti me mjekët në Itali, për shkak të lidhjeve që ka me ta.
Gjatë kontrollit mjekut prifti iu gjetën afro 380 mijë euro, ndërsa iu sekuestruan 1 milionë euro. Ndërsa vijojnë hetimet, mjeku ka fituar të drejtën si të mësimdhënies ashtu edhe të ushtrimit të profesionit. Hoxhës i janë sekuestruar 1 milionë euro.
Skema e mashtrimit është zbuluar nga Antimafia në Milano dhe Prokuroria e Posaçme shqiptare SPAK në të cilën 82 pacientë shqiptarë kanë përfituar me dokumente të falsifikuara shërbime shëndetësore nga spitalet në Itali.
6 në burg, 3 në masën ‘arrest shtëpie’ dhe 1 ‘detyrim paraqitje’ janë masat e ekzekutuara nga autoritetet italaine, ndërsa pjesa tjetër e të dyshuarve janë në hetim në gjendje të lirë dhe disa prej 82 të dyshuarve janë shpallur në kërkim.
Në mesin e të hetuarve rezultojnë 3 mjekë shqiptarë mes tyre mjeku Qendrës Spitalore Universitare ‘Nënë Tereza’ Vladimri Peto, Aurel Vula, Ilir Broqja dhe dy biznesmenët Aleksandër Gjoka dhe Ndue Pulaj.
Rezulton se Aurel Vula është mjek pediatër rheumatolog, i cili punon pranë Shërbimit të Pediatrisë së Përgjithshme, ndërsa Ilir Broqaj, mjek anest-reanimator, i cili punon pranë shërbimt Anestezi – Reanimacionit./m.j
