Kryeministri Rama e ka nisur ditën sot duke ndarë me ndjekësit e tij në Facebook historinë e mjekut kardiolog Martin Mano, që la Italinë për tu punësuar në spitalin e Korçës.
“MIRËMËNGJES
dhe me dëshminë e Dr. Martinit që falë Programit Kombëtar të mbështetjes me bonus për punësimin e mjekëve të specializuar në të gjitha spitalet e vendit, ka lënë Italinë për të kryer shërbimin e tij në Spitalin Rajonal të Korçës, ju uroj një ditë të mbarë”, shkruan Rama.
Dëshmia e mjekut
“Jam mjek kardiolog, mbarova studimet e larta ne Itali, aty bera specializim ne kardiologji ne Verona, nisa pune ne Veneto per rreth 2 vite. Ne janar lexova nje njoftim te MSH per vende vakante per mjeke ne spitalet rajonale me bonues dhe mendova te aplikoja se doja te punoja prane familjes dhe miqve. Tani jam ne fazen e ambientimit, por shpresoj te bej ndonje gje te mire per komunitetin tim dhe shendetesine”- tregon ai.
a.ç
