Një aksident rrugor ka ndodhur gjatë paradites së sotme në rrugën Tiranë-Durrës.
Dy makina, një Benz dhe një Volvo janë përplasur mes tyre.
Benzi ka dalë nga rruga dhe për pasojë kanë mbetur të plagosur dy persona.
Nënë e bir, Hamide dhe Shpëtim Sipri, 59 dhe 33 vjeç kanë marrë plagë të rënda.
Ata janë transportuar me urgjencë në spitalin e Traumës për mjekim dhe mësohet se në gjendje më të rëndë është djali.
Burime nga vendi i ngjarjes bëjnë me dije se mjeti drejtohej nga 59-vjeçarja.
Policia ka nisur hetimet për shkaqet e aksidentit.
g.kosovari
