Holanda ka mposhtur 4-2 Gjermaninë, duke shkuar në kuotën e gjashtë pikëve në Grupin C, ku prin Irlanda e Veriut me 12 pikë, ndërsa Gjermania mbetet në vendin e dytë me 9.
Fitorja e Holandës është e vlefshme për Euro 2020. Të besuarit e Koeman ishin duke humbur 1-0 që nga minuta e 9’, Gnabry realizoi për 1-0.
Por, pjesa e dytë nisi më së miri për mysafirët, që përmbysën gjithçka me dy gola të shpejtë.
De Jong shënoi për 1-1 në minutën e 59’. Pak minuta më vonë, në atë të 66’, mbrojtësi i Gjermanisë, Jonathan Tah, e dërgoi topin në portën e tij për t’ia dhuruar epërsinë holandezëve.
Gjermania reagoi menjëherë duke barazuar në 2-2 rezultatin në minutën e 73’ përmes Toni Kroos, por deri në fund Holanda shënoi edhe dy herë të tjera, për të fituar në fund 4-2.
Donyell Malen shënoi për 3-2 në minutën e 79’, kurse vulosi gjithçka Georginio Wijnaldum në minutën e 90’.
Me këtë fitore, Holanda ka shkuar në kuotën e gjashtë pikëve, tri më pak se Gjermania, por që ka një ndeshje më pak të zhvilluar.
Kroacia dhe Uellsi kanë rrëmbyer pikët e plota në xhiron e katër të kualifikimeve për Euro 2020.
Kroacia e mundi Sllovakinë 4-2, kurse Uellsi Azerbajxhanin 2-1.
Nikola Vlasic, Ivan Perisic, Bruno Petkovic dhe Dejan Lovren shënuan për t’ia dhuruar fitoren Kroacisë.
Uellsi në anën tjetër mori fitore të madhe, falë golit të Gareth Bale që shënoi për 2-1 në minutën e 84’ të takimit.
Pas këtyre fitoreve, Kroacia ka shkuar në kuotën e nëntë pikëve në Grupin E, Uells në pozitën e tretë me gjashtë pikë.
g.kosovari
