Si pasojë e reshjeve, në disa akse rrugore nacionale në Kukës janë konstatuar rënie gurësh dhe inertesh, kryesisht në segmentet malore.
Nga strukturat vendore dhe bashkitë Kukës, Has dhe Tropojë nuk janë raportuar problematika emergjente apo situata që kërkojnë ndërhyrje shtesë nga strukturat e emergjencave civile.
Sa i përket furnizimit me energji elektrike, pjesa më e madhe e territorit të Qarkut Kukës furnizohet normalisht, ndërsa ndërprerje janë raportuar në disa njësi administrative dhe zona të izoluara, konkretisht në njësitë Administrative Surroj, Topojan, Shishtavec, Zapod, Kolsh dhe fshati Shemri (Njësia Administrative Malzi, Bashkia Kukës).Njësia Administrative Lekbibaj (Bashkia Tropojë). Fshatrat Vlahën dhe Cahan (Njësia Administrative Qendër Krumë), si dhe Njësia Administrative Fajza (Bashkia Has).
Grupet e punës së OSHEE-së janë në terren dhe po punojnë për evidentimin e defekteve dhe rikthimin e energjisë elektrike në këto zona, në varësi të kushteve atmosferike.
Strukturat përgjegjëse vijojnë monitorimin e situatës në terren dhe janë në gatishmëri për të ndërhyrë në rast të përkeqësimit të kushteve atmosferike apo krijimit të problematikave të reja.
