Kamerat e sigurisë kanë kapur momentet e tmerrit kur një bllok apartamentesh 7-katëshe në lagjen “Yetiş” në Malatya u shkatërrua plotësisht nga tërmetet në Kahramanmaraş, duke zënë poshtë edhe disa persona, të cilët po dilnin me vrap në rrugë për t’i shpëtuar vdekjes.
Nga shembja e kësaj godine humbën jetën 13 persona, ndërsa një fëmijë u arrit të shpëtohej pas 87 orësh nën rrënoja.
Momentet e prishjes së banesës Yetiş, e cila përbëhet nga 16 banesa në rrugën “Zapçıoğlu” në Çukurdere Mahallesi, u pasqyruan në kamerat e sigurisë, teksa shihet se pas rënies, në rrugë krijohet një re e madhe pluhuri dhe tymi.
Godina, e cila është ndërtuar në vitin 1995, arriti t’i bëjë ballë lëkundjes së parë pak pas orës 04:00 me orën lokale, por fatkeqësisht jo lëkundjes së mesditës, duke i marrë jetën personave që ishin futur në banesat e tyre për të marrë sendet personale.
/s.f
