Një Boeing 737 me 132 persona është rrëzuar nga një lartësi prej rreth 9 kilometrash në një zonë malore në Guangxi, përpara se të shpërthente në flakë.
Pamjet tmerruese, që pretendohet se janë të momentit kur u rrëzua avioni, janë bërë publike në rrjetet sociale.
Në video shihet momenti kur Boeing bie vertikalisht në rajonin malor në Wuzhou.
Presidenti Xi Jinping tha se ishte ‘i tronditur’ nga incidenti dhe urdhëroi të nisin hetimet e mënjëhershme për shkakun e rrëzimit të avionit.
Administrata e Aviacionit Civil të Kinës (CAAC) tha se avioni, me numër fluturimi MU5735 nga Kunming për në Guangzhou, humbi kontaktin mbi qytetin e Ëuzhou.
Në bord mësohet se ishin 123 pasagjerë dhe nëntë anëtarë të ekuipazhit.
“Kemi aktivizuar mekanizmin e emergjencës dhe kemi dërguar një grup pune në vendngjarje”, tha CAAC.
g.kosovari
