Kanë dalë pamjet e para të sulmit ndaj dy qytetarëve shqiptarë sot në veri të Mitrovicës nga një grup kriminelësh të cilët kanë qenë të maskuar dhe të organizuar.
Pamjet janë publikuar edhe nga ministri i Punëve të Brendshme, Xhelal Sveçla, i cili ka shkruar se milicia fashiste vazhdon të sulmojë qytetarët e pafajshëm në veri të vendit tonë.
“Dy qytetarë shqiptarë janë sulmuar brutalisht në sheshin e Mitrovicës së Veriut nga milicia fashiste e orkestruar dhe dirigjuar nga Beogradi”, shkruan ai në Facebook.
Sipas tij, ky akt dhune dhe huliganesk duhet të dënohet ashpërsisht.
“Përgjegjësit kriminelë shumë shpejt do të vihen para drejtësisë. Këta milicë nuk do të mund ta minojnë rendin juridik dhe kushtetues të Republikës”, shkruan ai.
Gjatë ditës edhe Policia e Kosovës ka konfirmuar sulmin ndaj dy qytetarëve shqiptarë sot në veri të Mitrovicës.
Policia në komunikatë bëri të ditur se të dy qytetarët kanë qenë duke qëndruar në hyrje të sheshit në veri të Mitrovicës, ku pastaj janë sulmuar nga një grup kriminelësh të cilët kanë qenë të maskuar dhe të organizuar për sulmin e kryer.
Sipas policisë dy viktimat kanë pësuar lëndime trupore dhe të njëjtit janë dërguar për trajtim mjekësor./m.j
Our citizens were brutally attacked in the square of North Mitrovica by the fascist militia orchestrated & directed from Belgrade. This act of violence & hooliganism must be severely punished. They shall not undermine legal & constitutional order in our Republic. pic.twitter.com/KYw8qISwZc
— Xhelal Sveçla (@XSvecla) June 1, 2023
