Xhevja, një telefonuese nga Shkodra në “Aldo Morning Show” në Tv Klan tregon një ngjarje të fëmijërisë që nuk ia ka thënë kurrë prindërve. Ndryshe nga shumë të tjerë që kanë fshehur prapësi të moshës, historia e Xheves hyn në grupin e telefonatave që tregojnë raste tronditëse të cilat i kanë bërë të heshtin për shumë gjatë.
Një ditë, ndërsa kthehej nga shkolla dhe ishte ende në klasë të parë, dy prej fqinjëve të saj të rritur, kishin ngritur një kurth për të abuzuar me të.
Xheve: Në këtë rast, duke qenë në klasë të parë, e shfrytëzuan, ishin dy të rinj, 22-23. Edhe më shihnin mua se kaloja nga ajo rrugë çdo ditë. Një ditë prej ditësh po kthehesha nga shkolla. Njëri kishte dalë në oborrin e tij dhe tjetri në këtë shtëpinë që kaloja nga afër unë. Dhe më thotë “eja merri disa lule se do t’ia japë nëna ime nënës tënde”.
Aldo: Të tha ky i riu ty?
Xheve: Po, ky i riu. I riu tjetër po ruante nga oborri i tij. Unë si fëmijë, i afrohem aty, ishin disa shkallë dhe i them ku janë? “Jo, jo, janë këtu”, thotë. Më ngjiti shkallët, ngjitem deri te shkallët. Po ku, ku është nëna? “Ja, të dhoma, te dhoma” thotë. Nuk e di se si Zoti më ruajti, u rrëzova në atë pragun, kur nuk e pashë dhe nënën e tij, nuk e di jam larguar e tmerruar se ky djali ishte përgatitur për gjëra të tjera.
Aldo: Kjo është një skenë që ti nuk ia the atyre të shtëpisë?
Xheve: Jo, nuk ia thashë por mbeti që atë ditë se ishin afër, por gjithsesi kjo mbeti në zemrën time por njërin prej këtyre djemve, që po e ruante atë, unë sot e kësaj dite e shoh. Madje nëna e tij më pati kërkuar për nuse, por nëna ime, pavarësisht se s’dinte, nuk pranoi. Këtë e shoh, por tjetrin që donte të abuzonte nuk e kam parë më, më duket se Zoti ia ka marrë jetën./m.j
