Gjatë një operacioni të gjerë kundër trafikut të drogës, 13 persona kanë përfunduar në prangat e policisë italiane, 6 prej të cilëve shqiptarë, ndërsa një shqiptar tjetër është shpallur në kërkim.
Nga operacioni i koduar “Pylli i Pishave”, përfunduan në pranga shqiptarët Besnik Dini , 38 vjeç, Francesko Gjergji, 24 vjeç, Altin Prendi, 32 vjeç, tashmë në burg në Cassino për një procedurë tjetër, Rafaelo Gjoka , 27 vjeç, si dhe Dik Tafa, 23 vjeç, të gjithë banues në Frosinone.
Ata janë lënë prapa hekurave, ndërsa në arrest shtëpie janë vendosur shqiptari, Arber Tafa , 30 vjeç, banues në Frosinone. Mediat italiane bëjnë me dije se është shpallur në kërkim edhe shqiptari Jetmir Dini.
Vëmendja kryesore e hetuesve ishte drejtues ndaj një sipërmarrësi shqiptar, ndërsa para disa vitesh, “ndihmësi” i tij po shqiptar ishte arrestuar në posedim të më shumë se gjysmë kg kokainë, e fshehur me kujdes në oxhakun e një ndërtese.
Policia sekuestroi rreth 3550 mijë euro si dhe drogë me peshë totale 8 kg, nga e cila 6.5 ishin kokainë, ndërsa pjesa tjetër marijuanë dhe hashash.
Kokaina e gjetur, pasi të “pritej” do të lejonte shitjen e rreth 50,000 doza dhe do t’i lejonte grupit kriminale të përfitonte më shumë se 1.000.000 (një milion) euro.
