Artan Hoxha ka publikuar videon ku pretendon se eshte kryebashkiaku i Bulqizës Lefter Alla duke thithur kokainë në një ambient publik.
Gazetari tha se pamjet janë kapur nga kamera sigurie dhe momenti është fiksuar disa kohë më parë. Teksa e cilëson këtë rast si shumë të rëndë, Hoxha deklaron se objektivi i tij nuk është Lefter Alla, por fenomenin se si janë futur politik persona të inkriminuar.
Ai tha se veproi ndryshe nga presidenti Ilir Meta që u paralajmërua se do të publikohej një video me pullë të kuqe.
Hoxha tha:
“Në momentin që e kam deklaruar që disponoj një video, ka qenë në periudhën e nëntorit, në kohën kur presidenti Ilir Meta paralajmëroi një video, ku u përfol se do ishte me pullë të kuqe. Atëherë nuk e përmenda përmbajtjen e saj dhe të gjithë kryebashkiakët nisën lëvizjen të pyesnin se çfarë kishte në brendësi. Nuk e kisha videon me pullë të kuqe si të presidentit Meta që nuk e nxori kurrë. Unë ndryshe nga ai e publikova.”
/a.r
