Një 20 vjeçar shqiptar është arrestuar nga policia britanike teksa është kapur brenda një shtëpie bari” në Peterborough ku kishte përshtatur banesën për kultivim droge.
Bimët e kanabisit të sekuestruara dhe shpenzimet për të ndërtuar “shtëpinë e barit” kapnin vlerën e 173 mijë paundësh.
I riu Marsiol Bezati është dënuar me 18 muaj burg, ndërsa në pamjet e publikuara nga Daily Mail shihet teksa i riu shqiptar panikoset kur policia britanike hyn në shtëpi madje u kërkon falje.
Me pantallona të shkurtra dhe një bluzë, i riu kërkonte falje i ulur në divan ndërkohë që policët i vinin prangat. Policët i shpjeguan se çdo gjë që do të thoshte mund të përdorej kundër tij prandaj kishte të drejtë të qëndronte i heshtur.
Ndërsa 20 vjeçari përsëriste se nuk dinte të fliste gjuhën angleze./m.j
