Policia italiane ditën e sotme ka vënë nën pranga tre shqiptarë pasi gjatë kontrollit të kamionit, ka gjetur 10.5 kilogramë kokainë, vlera e së cilës shkonte në dy milionë euro.
Sipas mediave vendase mësohet se makina e tipit Citroen C4, është ndaluar në sheshin e Italtrans në Kalkio dhe personat e arrestuar janë shqiptarët me iniciale, K.M, 34-vjeç, B.G.- 36 -vjeç dhe Z.M.-40 vjeç.
Gjithashtu ata shtojnë se zbulimi i kokainës është zbuluar përmes qenve antidrogë, pasi ata zbuluan sistemin e butonave përmes të cilevë hapej një ndarje në makinë ku u gjetën dhe katër pakot e kokainës.
Si ndodhi arrestimi
Pasditen e së dielës shqiptari, K.M., 34 vjeç, ndalet me makinë, një Citroen C4, në sheshin e Italtrans në Kalkio.
Pas pak mbërrin një kamion dhe dy persona, B.G., 36 vjeç dhe Z.M., 40 vjeç, vijnë nga Abruzzo, të dy shqiptarë.
Të dy shqiptarët që erdhën nga Abruzzo shihet që mbajnë në duar një zarf të madh, të cilin ia dorëzojnë 34-vjeçarit. Ai i përshëndet dhe largohet.
Në këtë moment policia ndahet. Disa qëndrojnë dhe monitorojnë dy shqiptarët, ndërsa disa të tjerë ndjekin shqiptarin 34-vjeçar dhe ky i fundit bënte manovra për t’u siguruar se nuk po ndiqej.
Pastaj në Covo shqiptari është ndalur. Policia kontrollon zarfin, por është bosh dhe madje në makinë nuk dukej asgjë.
Më pas qentë antidrogë futën në makinë dhe zbulojnë një sistem butonash, përmes të cilit hapej një ndarje në makinë ku u gjetën katër pako kokainë dhe shqiptari u shoqërua në komisariat.
Ndërkohë, karabinierët e tjerë që ishin tek dy shqiptarët e tjerë i kapën ata dhe u kontrolluan mjetet. Të dy shqiptarëve iu gjet një zarf me rreth 400 gram kokainë.
Kështu malli i sekuestruar të tre shqiptarëve është përcaktuar 10 kilogramë e gjysmë kokainë.
g.kosovari
