Luiza Gega ia ka dalë përsëri të tejkalojë veten në finalen e Botërorit të sallave të mbyllura në garën e 3000 metrave me pengesa.
Atletja shqiptare, e para që merr pjesë në një finale botërori të tillë, ka arritur të zërë një vend mes 10 më të mirave, duke thyer edhe rekordin kombëtar në këtë garë që u zhvillua në Doha të Kartarit.
Ashtu siç pritej, gara është dominuar nga keniania Beatris Çepkoeç, e cila u shkëput që në xhiron e parë të garës.
Gega qëndroi në grupin e dytë të ndjekëseve, duke zgjedhur që të bëjë një garë të kujdesshme për të marrë një rezultat sa më të mirë të mundshëm, e ndërgjegjshme që aktualisht e kishte të pamundur të garonte për podiumin.
Çepkoeç vendosi rekordin e ri të kampionatit duke mbyllur garën e 3000 metrave me pengesa me kohën 8 minuta e 57,84 sekonda.
Ndërsa Gega e mbylli garën e saj me kohën 9 minuta e 19,93 sekonda, në vendin e 9-të që mund të cilësohet një arritje historike, ndërsa vendosi rekordin e ri kombëtar për këtë disiplinë.
