Një zjarr me përmasa të mëdha ka përfshirë mbrëmjen e kësaj të premteje qytetin e Himarës, duke shkaktuar një situatë tepër kritike për shkak të afërsisë së flakëve me zonat e banuara dhe përkeqësimit nga era e fortë. Vatra e zjarrit është përhapur me shpejtësi në kodrat pranë lagjes “1 Maji” dhe në zonën e By-Pass-it të qytetit, duke djegur sipërfaqe të tëra me pemëtari. Dyshohet se të paktën një banesë është dëmtuar tashmë nga flakët, ndërsa ekziston rreziku real që zjarri të kapërcejë rrugën kryesore e të afrohet drejt zonës së Potamit.
Për shkak të përmasave të krizës, në ndihmë të forcave vendore janë angazhuar me urgjencë ekipe zjarrfikëse nga Vlora, Saranda, Delvina dhe Finiqi, të cilëve u janë bashkuar edhe mjaft banorë të zonës. Operacioni po vijon në kushte të vështira për shkak të natës dhe erës, ndërsa vëmendja kryesore mbetet te krijimi i perimitrit mbrojtës rreth shtëpive dhe pronave private.
Përballe kësaj situate kritike, kryetari i Bashkisë së Himarës, Vangjel Tavo, ka bërë një thirrje urgjente për evakuimin e menjëhershëm të qytetarëve.
“Për shkak të zjarrit të papritur që po përparon drejt zonave të banuara, ju bëjmë thirrje të largoheni nga shtëpitë, bizneset apo ambiente të tjera që mund të përbëjnë rrezik për jetën”, apelon Tavo, duke kërkuar nga banorët të ruajnë qetësinë, të zbatojnë udhëzimet e autoriteteve dhe të kërkojnë ndihmën e policisë, zjarrfikësve apo urgjencës mjekësore.
Për t’i ardhur në ndihmë qytetarëve në nevojë, autoritetet vendore kanë vënë në dispozicion numrat e kontaktit të emergjencës në terren:
- +355 69 600 0200
- +355 69 260 4355
- +355 69 478 6723
- +355 69 726 6533
- +355 69 252 1907
- +355 68 240 6302
- +355 69 539 2571
- +355 69 580 3899
- +355 69 323 7130
- +355 69 463 6213
VIDEO E SIGURUAR NGA JAVANEWS:
