Ndonëse Emergjencat civle dhanë njoftimin se situata me zjarrin e rënë ditën e sotme në Laç po shkonte drejt normalizimit, duket se në fakt situata është përkeqësuar orët e fundit. Mësohet se ka marrë flakë janë fikur nga njëra anë e malit, nga kalaja Sebastia që ndodhet përballë kishës, por më vonë ka marrë flakë ana tjetër.
Situata duket mjaft problematike, ku zjarri rrezikon ti afrohet edhe qytetit, në vendngjarje kanë shkuar zjarrfikësit e Lezhës, Mirdites dhe Kurbinit sëbashku me ushtrinë. Zjarret ra pasditën e sotme në kurorën me pisha pranë kishës së Shën Ndout në Laç. Zjarri ishte i fuqishëm, ndërsa përhapja e flakëve u ndihmua edhe nga era.
Në vendngjarje kanë shkuar 3 ekipe zjarrfikëse dhe 40 forca ushtarake, por për shkak të situatës së vështirë, është kërkuar ndërhyrje nga ajri, ndërsa sipas Emergjencave Civille në momentet e para u rrezikuan edhe disa banesa, por situata u vu nën kontroll.
Njoftimi i Emergjencave Cilvile
Një zjarr me përmasa të mëdha ka rënë para pak minutash në kurorën e gjelbër të Laçit duke rrezikuar disa banesa, linjën e interkonjeksionit dhe Kishën Shën Ndout.
Në operacion për shuarjen e flakëve janë angazhuar 3 ekipe zjarrfikëse, 40 forca ushtarake, të mbështetura me helikopterë nga ajri.
Aktualisht zjarri është vënë nën kontroll dhe po punohet për fikjen e tij.
