Policia italiane ka arrestuar dy studentë amerikanë në Romë, pasi akuzohen për vrasjen e një karabinieri. Vrasja besohet se ka ndodhur shumë pranë qendrës të kryeqytetit italian.
Karabinierët me anë të një deklarate për mediat thanë se dy studentët po mbahen të izoluar dhe se mbi ta mund të rëndojnë akuzat e vrasjes dhe tentativës për zhvatje, raporton “Reuters”.
Burimet gjyqësore kanë thënë se studentët e paraburgosur quhen Finnegan Lee Elder dhe Gabriel Christian Natale-Hjorth, të dy nga San Francisko. Avokatët e tyre nuk kanë folur për mediat.
Mario Cerciello Rega, një oficer 35-vjeçar u ther për vdekje të premten pasi u përpoq të arrestonte 2 persona të dyshuar për vjedhje në një lagje turistike të Romës. Një tjetër oficer italian u plagos gjatë incidentit.
Fillimisht u tha se agresorët ishin nga Afrika e Veriut. Vrasjet e policëve në Itali janë të rralla dhe politikanët kanë shprehur ngushëllime për vdekjen e karabinierit.
Ndërsa ministri i Brendshëm Matteo Salvini i cili ka reaguar për ngjarjen në fjalë, deklaroi se vrasësit e karabinierit tonë nuk do të largohet më nga burgu.
Me anë të një postimi në rrjetin social “Facebook”, ministri i kujtoi të gjithëve se në Shtetet e Bashkuara ata që vrasin rrezikojnë dënimin me vdekje
“Duke shpresuar se vrasësit e karabinierit tonë nuk do të largohet më nga burgu, i kujtoj ata mirë se në Shtetet e Bashkuara ata që vrasin rrezikojnë dënimin me vdekje“, shkruan ministri i Brendshëm Matteo Salvini.
g.kosovari
