Një meteor goditi pasditen e së premtes Kubën perëndimore. Guri hapësinor ra pranë qytetit Viñales, duke mahnitur banorët që arritën ta shihnin me sy të lirë.
Momenti u kap jo vetëm nga njerëzit, por edhe nga sistemi i radarëve atmosferikë, që e filmoi meteorin teksa fluturoi mbi provincën e Pinar del Rio.
Dëshmitarë të shumtë e përshkruajtën rënien e meteorit si dy shpërthime të fuqishme. Nga impakti u thyen dritare, ndërsa në shtëpitë që ndodheshin pranë ranë copa guri, duke tronditur banorët.
