“Flirti” në rrjetet sociale mes kreut të Koalicionit Euroatlantik, Lulzim Basha dhe kryeministrit Edi Rama nuk është ndalur as mbrëmjen e sotme.
Pasi Rama i ktheu përgjigje Bashës, i cili e ironizoi për “shokët” që kanë përfunduar pas hekurave, si ministra, deputetë dhe zyrtarë të lartë të PS, kreu i Demokratëve Euroatlantikë nuk e ka vonuar mesazhin e radhës.
Kreu socialist iu përgjigj replikës së fundit të Bashës po me këngën e Unikatilit që ka karakterizuar këtë përplasje në rrjetet sociale mes tyre.
“S’e nuk po kupton që nuk mundesh me mu, sa herë ke provu çdo herë ke dështu”, ishin vargjet që përdori Rama, ndërsa Basha ia ka kthyer duke i thënë se “gjithë jetën ngeli pasagjer”, e se timonierët, referencë këtu për ata që firmosin tenderat, i ka tashmë në burgun 313.
Më tej Basha ironizon se kryeministri mund të jetë mashtruar nga ish-ministrat e tij që kanë shkuar në burg për korrupsion, duke gjetur vend këtu ta krahasojë me bufin, referencë që Rama e përdor për kreun e PD, Sali Berisha.
“Ose ti je më buf se bufi dhe të vjedhin shokët pas shpine. Ose ti je nona kësaj pune. Je kreu i Bandës. E Rame, Rame”, shprehet Basha.
Në fund edhe një mesazh i koduar nga Basha: “Kam një porosi po ta le të Çani, këto dy paketat”, thotë Basha, duke lënë të nënkuptohet një arrestim të mundshëm të shefit të qeverisë, pasi shprehja u bë e famshme nga avokati Maks Haxhia kur u burgos ish-ministri Saimir Tahiri.
Ky palacoja i eshte ngjitur Rames si m*ti pas kepuce. Kerkon te marre vemendje, dhe Rama nuk duhet te beje gabimin te vazhdoje te merret me te. Nuk ja vlene per asgje, eshte nje hic!