Dy shqiptarë kanë rënë në prangat e policisë italiane për shpërndarje të lëndëve narkotike.
M.A., 50 vjeç dhe V.A., 37 vjeç janë arrestuar në befasi më 7 Nëntor nga autoritetet në Romë, në momentin që donin të lëviznin një sasi prej 32 kilogramësh kokainë të fshehura në bagazhin e makinës.
Agjentët e policisë kishin kohë që monitoronin garazhin të cilën dy shqiptarët e përdornin për të fshehur kokainën.
Ata e kishin ndarë drogën në 27 pako të ndryshme.
Brenda në makinë u zbulua gjithashtu edhe një ndarje të fshehtë ku ishin fshehur 20, 000 euro.
Pas një kontrolli tjetër në shtëpitë e dy të arrestuarve u gjetën edhe 40,000 euro të tjera dhe një armë e kalibrit të vogël.
Shitja e kësaj sasie kokaine do të gjeneronte miliona euro fitime.
Sipas mediave italiane, bëhet fjalë për një nga sasitë më të mëdha me kokainë të bllokuara në Romë dhe të lë të kuptosh për përfshirjen e një organizatave kriminale të mirë organizuar./a.ç
