“Shmanga tim bir, për të tjerat…” Flet shqiptari që masakroi gruan me thikë

Zbardhet dëshmia e dhënë para policisë italiane nga shtetasi shqiptar Dritan Sulollari, i cili tronditi Italinë pasi masakroi me thikë bashkëshorten e tij.
“Nuk kujtoj asgjë se cfarë ndodhi në dhomë. Di që ishim duke u zënë, dhe menjëherë më pas, sikur koha të ishte ndalur dëgjoj tim bir që më thërret nga dhoma tjetër”, e nis rrëfimin e zbardhur nga mediat italiane.
Ai tha se prej kohësh zihesnbi për të njëjtat gjëra. Sipas tij, viktima Migena Këllezi e akuzonte se nuk punonte dhe donte të ndaheshin.
“Sherri shpërtheu për të njëjtat shkaqe, ajo më thoshte gjithmonë që nuk punoja, që isha gjithë kohës në shtëpi. Ndërkohë që nuk kishim marrëveshje për ndarjen dhe se kujt do ti lihej në kujdestari djali”- ka thënë ai para hetuesve.
“Di që shmanga tim bir që të shihte të ëmën e vdekur në dhomë dhe i thashë që isha plagosur dhe se duhet të shkoja në spital, por mos më pyesni se cfarë ndodhi kur kisha thikën në dorë dhe se si u plagosa në dorë, sepse nuk e di”- vijon rrëfimi i 37-vjeçarit. Nesër ai pritet të dalë para gjykatës ku do të njihet me masën e sigurisë./a.m.