Një tjetër ngjarje e rëndë e dyshuar terroriste raportohet, dhe këtë herë në Gjermani.
Media gjermane ka raportuar se një kampion ka ecur drejt një turme njerëzish në një treg Krishtlindjesh në Berlin, duke lënë edhe viktima.
Paraprakisht raportohet për 9 viktima të konfirmuar dhe 50 të plagosur.
Dy gazeta gjermane kanë shkruar se kamioni ecte pa e ulur shpejtësinë drejt njerëzve që ndodheshin në tregun përballë kishës së famshme të memorialit të Kaizerit Vilhelm.
Policia dyshon se kemi të bëjmë me një sulm terrorist. Dy persona dyshohen si autor, njëri prej tyre i arrestuar ndërkohë tjetri vdiq gjatë tragjedisë.
Ngjarja ndodhi në zonën Breitscheidplatz në kryeqytetin gjerman, zonë tashmë e rrethuar dhe e izoluar nga policia. Situata është ende e paqartë, ndërsa me dhjetëra makina policie dhe ambulanca janë në vendngjarje.
Sipas raportimeve, terroristët e ISIS kanë marrë përgjegjësinë për organizimin e sulmit terrorist në Berlin.
/a.m.,
