Mediat italiane vazhdojnë t’i bëjnë jehone Shqipërisë turistike, duke ftuar të gjithë ata italiane që nuk e kanë vizituar këtë vend, ta konsiderojnë si destinacionin e radhës.
Agjencia Kombëtare e Lajmeve ‘Nove Colonne’, shkruan se Shqipëria ka gjithçka për të ofruar: natyrë, kulturë, traditë, aventurë.
Ndërsa lagenziadiviaggi.it e paraqet Shqipërinë si parajsën që nuk e pret. “Pesë mijë vjet histori, 22 parqe, muze, vende arkeologjike, përfshirë në UNESCO-s dhe një vijë bregdetare mbi 300 kilometra të gjatë. Janë numrat e Shqipërisë, vendit të shqiponjave, që sot në Itali u promovua me slogani që përmbledh thelbin: Parajsa surprizë”, shkruan lagenziadiviaggi.it
‘Shqipëria nuk është më një vend i steriotipeve të vjetra, por një destinacion mesdhetar me një mikpritje unike dhe natyrë të magjishme për t’u zbuluar’, thuhet në shkrimin e publikuar në ‘Nove Colonne’.
Turizmi në Shqipëri, vijohet më tej, është një surprizë vetëm për ata që kurrë nuk kanë pasur fatin e mirë për të vizituar vendin.
“Oferta është e gjerë: natyra, historia, kultura, tradita dhe në natyrë. Pra, ka të gjitha mundësitë për tu shndërruar në të ardhmen një vend i zhvilluar si dhe për të thithur investime të huaja “, citohet Drejtori i përgjithshëm i Agjencisë për Turizmit, Ardit Çollaku.
Çollaku thotë se gjatë sezonit të fundit turistët italian u rritën me 30 për qind dhe janë të tretët për nga numri pas maqedonasve dhe kosovarëve.
Ndër të tjera kreu i AKT-së, shpjegon se qeveria i kushton një vëmendje të veçantë investimeve në këtë sektor të cilat do të bënin të mundur zhvillimin e qëndrueshëm të tij.
Duke ftuar sipërmarrësit e huaj të shohin Shqipërinë si një mundësi e mirë për investim, Çollaku thotë se në Shqipëri, ndërmarrjet e vogla dhe të mesme inkurajohen nga një regjim i veçantë favorizues tatimor shkruan ATA. Përveç kësaj, ai nënvizon se falë një bashkëpunimi të ngushtë me Guardia di Finanza, ne jemi duke goditur fort trafikun e drogës./a.m.
http://9colonne.it/123493/albania-una-rinascita-costruita-sul-turismo#.WFet39LyuUn
http://www.lagenziadiviaggi.it/notizia_standard.php?IDNotizia=187128&IDCategoria=2432 /
