Mijëra shqiptarë janë larguar nga vendi ynë drejt vendeve evropiane, disa duke punuar në të zezë e disa duke kërkuar azil. Shqiptarët udhëtojnë edhe drejt Britanisë së Madhe përmes rrugëve ilegale, me kamionë e trena duke thyer kufijtë me shuma të mëdha parash që u marrin trafikantët.
Por, përveçse shpenzojnë shuma të mëdha parash për rrugën që shkojnë nga 8 deri në 15 mijë euro, shqiptarët në Angli po përfundojnë burgjeve të këtij shteti për shkak të thyerjes së rregullave.
Disa herë mediat angleze kanë ngritur shqetësimin për shqiptarët e arrestuar në Britani të Madhe, për shkak se janë kthyer në problem për qytetarët anglezë.
Nga raportimi i mediave angleze, bandat e drogës kanë rritur numrin e shqiptarëve që janë pas hekurave në Angli, dhe siç shkruajnë ato janë rreth 726 shqiptarë që po vuajnë dënimin në Angli, shifër kjo shumë e lartë për një popull të vogël e të varfër si ne, që në vend të punojmë dhe të shfrytëzojmë mundësinë që na japin vendet evropiane, po kthehemi në debat dhe po përmendemi si banda kriminale.
Agjencia Kombëtare e Krimit (NCA) ka paralajmëruar se bandat e tregtarëve shqiptarë të drogës tani janë ‘një kërcënim i rëndësishëm’, duke përdorur taktika gjithnjë e më të pamëshirshme për të mbrojtur biznesin e tyre”, thuhet në artikull.
Grupet e krimit të organizuar nga Shqipëria, e cila ka një popullsi prej vetëm 2.9 milion banorësh, tani kanë ndikim të madh në furnizimin me kokainë në Mbretërinë e Bashkuar.
Deputeti i punës David Hanson, anëtar i komitetit për zgjedhjen e drejtësisë të Commons, tha se ishte një ‘masë suksesi’ që gangsterët shqiptarë po kapeshin dhe burgoheshin.
Por ai shtoi:
Është e rëndësishme që qeveria të gjejë një mekanizëm që këta të burgosur të vuajnë dënimin e tyre në Shqipëri. Në një kohë të mbipopullimit në burgjet britanike është e domosdoshme që ato të largohen shpejt”, pohon ai.
Por, përveçse shqiptarët po vuajnë dënimin për narkotik, apo për çdolloj krimi tjetër ata nuk i pengon që të qëndrojnë “live” në rrjetet sociale, shumicën e kohës kryesisht natën.
Nga një vëzhgim i dritare.net, fare lehtë mund të gjenden të burgosur shqiptarë në burgjet e Britanisë së Madhe që komunikojnë live në grupe të ndryshme me persona të tretë.
Edhe pse përdorimi i telefonave në ambientet e vuajtjes së dënimit është i ndaluar, shqiptarët nuk i pengon kjo gjë, ata vazhdojnë pothuaj çdo natë të mbeten në kontakt me njerëzit jashtë./ Isa Myzyraj- Dritare.net
ma.me
