Mediat e huaja kanë publikuar momentin kur aktori me famë botërore, George Clooney, u përfshi në aksident. Video e aksidentit është publikuar sot nga media italiane ‘Corriere della Sera’, ku shihet momenti i tmerrshëm i përplasjes së aktorit me një ‘Mercedes’.
Aktori është hedhur disa metra në ajër, teksa është përplasur me makinën, që duket se ecte në korsinë e gabuar në ishullin italian të Sardenjës. Aktori amerikan 57-vjeçar ka qenë duke udhëtuar me motorin e tij duke shkuar në setin e xhirimit për filmin e ri, kur është përplasur, duke përfunduar në spital, ndërsa gjendja e tij nuk raportohet të jetë serioze. /ma.me
