Gazetari Sokol Balla ka fituar çështjen gjyqësore nda portalit online Lapsi.al i cili publikoi një video intime të të tij në muajin prill të këtij viti. Drejtuesi i emisionit “Top Story” paditi portalin për cënim të privatësisë dhe doli fitimtar gjatë procesit në Gjykatën e shkallës së parë në Tiranë. Kësisoj, Lapsi.al duhet të heqë çdo material që ka cënuar jetën private të gazetarit Sokol Balla si dhe duhet të paguajë çdo shpenzim të Ballës gjatë procesit gjyqësor.
Më poshtë vendimi i Gjykatës:
Detyrimin e pales së paditur për të ndaluar publikimet dhe heqjen e materialeve të publikuara në të gjitha formatet të cilat janë cënuese të jetës private të paditësit. Shpenzimet gjyqësore ne ngarkim te pales se paditur. Kundër këtij vendimi lejohet të bëhet ankim në Gjykatën e Apelit Tiranë, brenda 15 diteve, afat ky që fillon nga e nesërmja e shpalljes se tij për palën prezent dhe nga e nesërmja e ditës se komunikimit të vendimit për palën e paditur dhe Lapsi.al në mungese./shqiptarja.com/
