Një baba në Argjentinë ka rrahur brutalisht mësuesin e një shkolle, pasi ky i fundit kishte abuzuar seksualisht me vajzën e tij 15-vjeçe. Mësuesi i identifikuar nga mediat lokale si Jorge Cruceno, 30-vjeç, është i punësuar në shkollën e femrave Santa Marta në pjesën qendrore të Argjentinës.
Familjarët e adoleshentes kishin gjetur mesazhe të “papërshtatshme” që mësuesi i kishte dërguar në telefon vajzës së tyre. Pas këtij veprimi kishte reaguar menjëherë babai i saj, që kishte shkuar në shkollë që të takohet me derjorin e shkollës, gjithashtu kishte raportuar rastin edhe në polici nën dyshim për abuzim seksual.
Ndërkaq kamerat e sigurisë brenda objektit të shkollës shfaqin babain duke ecur në korridor me të bijën, dhe në një moment takohen me mësuesin të cilin bija e tij e kishte raportuar për abuzim seksual. Dhe pa u menduar dy herë, babai i saj filloi ta grushtojë mësuesin që mundohej të mbrohej nga grushtet duke e mbuluar kokën me duar. /ma.me
